فيديو كيفية اختبارات كلية فنون تطبيقية
1- ايه هو إمتحان القدرات؟
دة إمتحان بيقيس قدراتك فى كلية فنون جميلة او تطبيقية او تربية فنية ونوعية لمعرفة قدرات التخيل والإبداع يعنى من الأخر بيعرف إيدك تمشى فى الكلية ولا لا ودة مش صعب نهائى بس عايز تدريب وتركيز ومش شرط تكون رسام بيكاسو يعنى ولا يشترط موهبة فذة بس الاهم يكون عندك نسبة وتناسب وازاى تقدر تحول الشكل اللى قدامك او اللى متخيله لرسم فى الورقة
2- إيه أنواعه؟
فنون تطبيقية ليها امتحان واحد فقط
والكليات الخاصة ليها امتحان واحد على حسب الكلية زى تطبيقية 6 اكتوبر والتجمع الخامس واكاديمية الفنون والجامعة الالمانية.
بالنسبة للامتحان بيأهلك لكل الاقسام لانك بتدخل اعدادى وبعد كدة بتتاهل على حسب تقديرك ل14 قسم وتنسيق القسم الداخلى بعد اعدادى وعلى فكرة تطبيقية مش فيها قسم عمارة ولكن فيها ديكور بيسموه هناك (تصميم داخلى واثاث) ودة بياخد اعلى تنسيق ومفيهوش تخصصات (عكس فنون جميلة ديكور من اعدادى وفيه شعبتين)
3- إزاى أقدم فى إمتحان القدرات؟
تعلن الجرائد والمواقع التعليميةعن مواعيد سحب استمارات امتحانات القدرات وبتكون بعد انتهاء امتحانات الثانوية العامة بايام وساعات اسبوع او اكثر فهتروح فى الميعاد اللى يتحدد على جامعة القاهرة المدينة الجامعية وتسحب استمارة ((طبعا كل محافظة ليها مكتب تنسيق على حسب مايعلن مكان مكتب التنسيق تبعا لمحافظتك وتبعا للامتحان اللى هتمتحنه علشان تقدر تسحب استمارة ولاحظ للاقاليم فقط انك ممكن تروح محافظة مجاورة زى مثلا طلبة محافظة الشرقية هيسافروا المنصورة علشان يمتحنوا فنون جميلة ويسحبوا استمارتها لكن القاهرة والجيزة مكانهم من مكتب التنسيق بجامعة القاهرة وهكذا))
ولاحظ برضو انك هتروح 3 مشاوير مرة هتروح مكتب التنسيق تسحب الاستمارة ومرة تانية تقدمها فى الكلية وتحدد ميعاد امتحان مناسب ليك خلال اسبوع او اقل ومرة تالتة علشان تمتحن , ولازم تاخد كورس لان الامتحان بعديها ومفيش وقت وتابع الجرايد وقت بوقت لحد ما يعلن الوزير مواعيد الامتحان بالحروف الابجدية قبليها بفترة يعنى مثلا يوم السبت حرف الميم والنون وهكذا واياك تروح قبل ما يعلنوا مواعيد امتحانات القدرات
ليست هناك تعليقات:
إرسال تعليق